Mae ADTRAC, sy’n rhan o Sir Ddinbych yn Gweithio, wedi sefydlu sesiynau galw heibio ‘Ar y trywydd iawn gydag ADTRAC’, a fydd yn cael eu cynnal bob dydd Mawrth 2pm tan 4pm yn yr HWB yn Ninbych (Ffordd y Ffair, Dinbych, LL16 3RG).

Mae’r sesiynau ar gyfer cyfranogwyr ADTRAC yn bennaf, ond mae croeso i unrhyw un 16 i 24 oed sy’n byw yn Sir Ddinbych ac nad ydynt mewn addysg, cyflogaeth na hyfforddiant ar hyn o bryd.

Bob wythnos bydd cyfrifiaduron ar gael i ddiweddaru CV neu i chwilio am waith / cyfleoedd. Yn ogystal â hyn, bydd ystod o weithgareddau llawn hwyl, sesiynau blasu a siaradwyr gwadd yn bresennol y rhan fwyaf o wythnosau.

Mae’r sesiynau yn llawn hwyl ac yn anffurfiol, gyda lluniaeth ar gael.

Dewch i ymuno â ni am baned a sgwrs i weld sut y gallwn eich cefnogi chi!

Cysylltwch â thîm ADTRAC ar y manylion isod i gael rhagor o wybodaeth.